elli.is

Eigindlegar

Eigindlegar rannsóknir undirritaðs í Svíþjóð hafa staðfest eftirfarandi fullyrðingar, a) sænskir hundar eru vitrari en íslenskir frændur þeirra og b) Svíjar eru mun reglufastari en Íslendingar (sem kemur kannski á óvart, þ.e. ekki hvað Svíjar eru reglufastir heldur tilraunin til að nota orðið reglufesta í sömu setningu og vitnað er í Íslendinga!
Þessar Eigindlegu rannsóknir hafa farið fram á sænskri grundu frá því í ágúst 2008 og byggjast niðurtöðurnar einna helst á eftirfarandi;

a) aldrei hefur undirritaður séð hund hlaupa villt um götur og grös Svíþjóðar nema á þar til gerðum svæðum, aldrei hefur sænskur hundur hlaupið í fang (eða á fætur) undirritaðs og forvitnast, þefað og eða óskað eftir klóri, klappi, koss eða í versta falli fullnæingu - nei nei - þeir sænsku bara ganga - skokka - hlaupa beint af augum með sínum eiganda og virða varla aðra viðlits, og þegar þeir eru t.d. tjóðraðir við staur án eiganda þá er ekkert verið að væla og góla, bara beðið - þvílíkur agi! eða er þetta kannski bara íslenskur ó-agi sem er til samanburðar? (efni í næstu rannsókn!) Kunnugir segja að ástæðuna er að finna í mjög svo ströngum viðurlögum varðandi hundahald… sem tengist reglufestu Svíjanna!

b) alhæfing undirritaðs varðandi reglufestuna tengist þó ekki hundahaldi að sinni heldur heitum potti og hámarksfjölda! Undirritaður hefur nú fengið smjörþefinn víða af reglufestunni og væri of mikið að telja það allt upp hér frekar en að taka þessi orð undirritaðs bara trúanleg með tilvitnun í dæmi dagsins; í fjölskyldusundferðinni í dag í Malmö (það var lokað í Staffanstorp:() kom í ljós að það var ákveðinn hámarksfjöldi baðgesta í “heitu”pottana hverju sinni - í þann heitasta máttu t.d. bara vera 8 baðgestir hverju sinni - eðlilega ef það væri bara pláss fyrir 8 manns - en þessi pottur rúmaði aðeins meira og eitt skiptið þegar baðvörðurinn kom að reka upp úr þá voru tæplega 20 baðgestir í pottinum og fór vel um alla - en af því að það stóð á skiltinu MAX 8 þá var þarna baðvörður í 0,25% starfi að ganga á milli “heitu”pottanna og reka liðið uppúr - því jú alltaf fór liðið bara ofan í - í stað þess að kvefast á köldum bakkanum - þó reyndu nokkrir gestir að sýna lit og bíða í röð við pottinn eftir lausu plássi - sennilega voru það þessir fáu Svíjar sem voru baðgestir í dag - baðgestirnir í dag voru aðallega afkomendur innflytenda frá löndum sunnan við miðbaug, þ.a.m. Íslandi. En þetta er bara svo ekta sænskt - búa til ruglaða reglu sem þarf svo starfsmann til að framfylgja - allt gert til að skapa störf… eða hvað?

EÖE

p.s. veit þetta er stór biti að kyngja fyrir marga hundaeigendur og marga svíja en svona er þetta bara! –>

Posted under Ég held nú það...

Comments (1)

Sænsk

Já sæll… það væri vart frásögufærandi að fjölskyldan fór í sundferð í dag í næsta bæ, n.t.t. til Staffanstorp. Eftir lukkulega sundspretti í lauginni erum við feðgarnir (Undirritaður og tvíburarnir) inni í gufubaðinu - sem er staðsett inni í klefanum við sturturnar - að tjilla á Adam-klæðunum (sem er eins og sænska fólkið gerir) - í miðju tjilli sér undirritaður - í gegnum glerhurð gufubaðsins - að kvenkyns-sundlaugarvörður er mættur inn í sturtuklefann fyrir framan gufubaðið í leit að einhverjum upplýsingum - og ég hugsaði - “Nei, djöfullinn - hvað er þetta” og þessir sex karlar sem voru þarna á Adam-klæðunum í sturtu gjörsamlega kipptu sér ekkert upp við þessa heimsókn sundlaugarvarðarins. Hvern ands…. haldið´i svo - kemur ekki einn karlinn inn í gufuna og spyr hvort að hér sé einhver “Elli” og að sundlaugarvörðurinn þurfi að ná tali af þessum “Ella” - hva nú - fer skakkur í dyragættina og hyl það litla sem þarf að hylja til að reyna að ná tali af ungfrúnni… “Jú heyrðu, konuna þína vantar lykilinn af skápnum sínum (sem slysaðist með okkur strákunum) - úr dyragættinni reynir ég að gera mig skyljanlegan á sænsku að lykilinn sé í töskunni “þarna” - en ekkert gerist - og þá var bara að hrökkva eða stökkva áður en karlarnir sex fengju eitthvað meira út úr þessari heimsókn en þeir voru nú þegar búnir að fá - og “fronta” ungfrúnna á Adam-klæðunum - án þess að gera nokkra tilraun til að hylja nokkuð - enda voru handklæði og sundskýlur í öðru rými - já og þannig mætti ég ungfrúnni - þetta hlyti að vera einhver sænsk venja fyrst enginn kippti sér upp við þessa heimsókn - gekk að bakpokanum og náði í lykilinn og “var så goda” - svona eftir á að hyggja var þetta smá Laugarvatnsfílingur en um leið mjög súrealíst - og manni leið eins og maður vissi ekki hvort maður ætti að hlægja eða gráta þegar maður kom út… ætli þessi birting sé ekki svarið við því!
EÖE –>

Posted under Ég held nú það...

Comments (2)

Hr.

Hr. Wilson V6
Undirbúningstímabilið fyrir form lífsins* er hafið - hófst á mánudaginn með 5 km skokki (tíminn 20;51 = 4,10 á km sem þarf að fara niður fyrir 3,59 á km að staðaldri - ísl.met hraðinn er 3;17 á km - langtíma markmið ) - svo var massa fótbolti í gær sem því miður var í anda Liverpool síðustu misseri - þar sem menn voru að dominera á vellinum en ekki klára færin og fá svo 10-20 slysamörk á sig! Æfing dagsins felst í heimatilbúnu gufubaði, n.t.t. fara í mjög svo heitt bað - maður finnur alveg kílóin fjúka á slíkum æfingum. En svo er rúsínan í pylsuendanum á morgun, þegar ég og hr. Wilson förum á stjá á landsliðsæfingar Íslendinga sem búa í Lundi í Hniti (Badminton á frummálinu) - fékk miklu betri tilboð frá Wilson heldur en Yonex þannig að valið var ekki erfitt!

Talandi um hreyfingu þá er snilldarsíða fyrir áhugasama um tíma og tölfræði að finna á www.hlaup.com

*loka dagsetning markmiðsins er ótímasett og er hér frekar um sýn að ræða frekar en markmið! –>

Posted under Ég held nú það...

Comments (1)

Dagvaktin

Lélegt...? Hef lokið við að horfa á Dagvaktina sem landinn hélt ekki vatni yfir undir lok síðasta árs en því miður náði vaktin ekki að uppfylla vonir og væntingar hér í Svíþjóð! Eiginlega meira vonbrigði heldur en hitt -þó svo inn á milli hafi komið einn og einn góður frasi! Vonandi að þeir læri eitthvað af þessum mistökum sem þeir gerðu í Bjarkarlundi áður en Fangavaktin verður fest á filmu!
–>

Posted under Ég held nú það...

Comments (3)

Árni

Hæfur?
Hvenær vita menn að þeirra tími er kominn? Pólitíkusar kannski aldrei! Dýralæknirinn og fjármálaráðherran Árni Matthísen hefur verið milli tannanna á hinum og þessum og ekki að ástæðulausu - í desember 2007 ræður hann son Davíðs Oddssonar sem héraðsdómarar - þvert gegn áliti sérstakrar nefndar - n.b. gauinn var í þriðja hæfileikaflokki og nóg af hæfari aðilum sóttu um. Núna rétt rúmu ári síðar hefur fengist niðurstaða frá Umboðsmanni Alþingis að þessi ákvörðun hafi verið svo gott sem ólögleg og þvert á hlutverk ráðherrans auk þess sem Björn Bjarna sleppur ekki heill frá þessu! Þetta er alla vegna eitthvað sem Árna verður svo sannarlega minnst fyrir sem ráðherra og vonandi að menn gleymi ekki heldur hvering hr. Davíðsson komst að. En í millitíðinni hrundi íslenska frjámálakerfið og þar var Árni framarlega í flokki þeirra sem átti að gera eitthvað annað en hann/þeir gerðu - m.t.t. ábyrgðar og stöðu innan ríkisstjórnarinnar - þar er aftur nokkuð sem Árna verður minnst fyrir - þ.e. fyrir að hafa ekki gert neitt í þessum málum - þó það væri ekki nema að segja af sér!
Nei menn hamast eins og rjúpan við staurinn að halda lífi í sínum dauðadæmda pólitíska ferli! Þetta er alla vegna ekki eins og í Kína þar sem aftökur fara fram daginn eftir - engar málalengingar þar!

EÖE

p.s. að því ógleymdu að maðurinn var valinn Skítseyði ársins á ónefndri útvarpsstöð! –>

Posted under Ég held nú það...

Comments (2)

Gleðilegt

Þá er kominn tími til að blása aftur lífi í elli.is eftir að hafa samið við lánadrottna og tæknisérfræðinga á nýjum forsendum í kjölfar hrunsins!

Grand jólagjöf!
Að auki sem tæknivandamál hafa herjað á heimilið, t.d. vírus á elli.is og heimilistölvan andaðist úr jólastressi! Í ofan-á-lag er Facebook að stela tímanum og svo fer miklu meiri tími í að læra á iPhone-ana sem eldri drengirnir fengu í jólagjöf frá frændum sínum og hvað þá að kenna þeim á símana! Sjá nánar hér!

En eigum við ekki að segja að eitt af áramótaheitunum er að vera virkari hér - amk fyrir þessa tvo lesendur sem reply-uðu vírus-tjékkinu - takk fyrir það stúlkur!

Lifið heil! –>