elli.is

Fimm

Já ef maður vissi ekki betur þá gæti það verið málið - sweet summer of 1975…

1. Við eigum í stríði við Breta
Það eru svipaðar aðferðir í dag...

2. Það eru gjaldeyrishöft
No money!

3. Það ríkir óðaverðbólga
going down?

4. Vinsælustu lögin eru með ABBA og Villa Vill
Hver man ekki eftir þessu...

5. Forsætisráðherran heitir Geir og er Sjálfstæðismaður
Geir Hallgrímsson

Það eina sem gæti skilið á milli ársins í ár og 1975 er nýjasta pick-up línan… “Sæl, ég er ríkisstarfsmaður”
–>

Posted under Ég held nú það...

Comments (1)

Fjölskyldan er flutt til Lundar eftir ánægjulega (tæplega) tveggja mánaðar búsetu í Hjärup. Fjölskyldan flutti á stúdentagarða í norður Lundi, n.t.t. Kämnärsvägen 7H H321 - sem í daglegu tali er kallaður Kjamminn meðal landans (þ.e.a.s. íslendinga) sem hefur ansi sterk og mikil ítök á þessu svæði…

kv. EÖE –>

Posted under Ég held nú það...

Comments (0)

Tilviljun?

Guðbjörg með sinn hlut frá Glitni.

Maður veit ekki lengur hvað maður á að halda né trúa frá Fróni varðandi gjaldþrot þjóðarinnar. Rakst á eftirfarandi á www.visir.is og veit hreinlega ekki hvort þetta er tilviljun eða ekki…

“Athafnakonan Guðbjörg Matthíasdóttir seldi lungann úr 1,71% hluti sínum í Glitni á fimmtudaginn 25. eða föstudaginn 26. september korteri áður en bankinn var þjóðnýttur. Hún var sú eina af tuttugu stærstu hluthöfum bankans sem seldi hlut sinn í vikunni fyrir þjóðnýtingu.

Gunnlaugur Sævar Gunnlaugsson, sem hefur verið helsti ráðgjafi Guðbjargar í viðskiptum á undanförnum árum, sagði í samtali við Vísi að tímasetningin væri hrein tilviljun. “Það var gerður söluréttarsamningur um þennan hlut sem gilti í eitt ár þegar Glitnir keypti hlut hennar í TM í september í fyrra. Ég held að sölurétturinn hafi verið virkur í tvo daga þegar Guðbjörg nýtti sér hann á fimmtudag eða föstudag í síðustu viku,” segir Gunnlaugur Sævar og bætir við að engu máli hafi skipt hvenær Guðbjörg hefði selt hlutinn vegna samningsins. Hann vill þó ekki gefa upp á hvaða gengi hluturinn var seldur.

Guðbjörg fékk hlutinn í Glitni á genginu 28,45 þegar bankinn keypti 39% hlut hennar og nokkurra annarra í Tryggingamiðstöðinni 5. september á síðasta ári. Miðað við hluthafaskrá Glitnis má sjá að Guðbjörg kemur fyrst inn í hluthafalistann vikuna 24. til 30. september í fyrra.

Róbert Wessman var ekki jafn heppinn og Guðbjörg því hann keypti 2,5% hlut í Glitni fyrir fimm milljarða á svipuðum tíma og Guðbjörg seldi sinn hlut.

Gunnlaugur Sævar Gunnlaugsson er náinn vinur Davíðs Oddssonar Seðlabankastjóra og var til að mynda veislustjóri í fimmtugsafmæli hans. Sonur Guðbjargar, Einar Sigurðsson, vinnur í Glitni.”

Hvað vissi Gunnlaugur dagana fyrir aðgerðir Davíð og Seðlabankans - hugsanlega eitthvað annað en Róbert Wessmann?

Sjá fréttina á hér –>

Posted under Ég held nú það...

Comments (0)

Klúður

Fékk ábendingu frá ameríku um þetta viðtal í norska sjónvarpinu vegna krísunnar á Fróni… The interview is on english and is a “must see”

Smellið á myndina til að sjá viðtalið (ath að meðfylgjandi mynd er sviðsett).

–>

Posted under Ég held nú það...

Comments (0)

Hvar

Fréttir frá Fróni eru allar á einn veg - það er allt að fara til ands…

Þessi mynd var tekin af einum að fara að versla á Laugarvegnium… menn vita ekki lengur hverju þeir eiga von á þannig að það er besta að vera við öllu búinn!
Einn að versla á Laugarveginum.