Eins og hefur verið opinberað mun stórfjölskyldan fyrir Westan flytja búferlum í sumar. Hvar fjölskyldan nær lendingu í sumar liggur ekki fyrir fyrr en í sumar. Margir hafa spurst fyrir um fyriráætlanir fjölskyldunnar og í framhaldinu var tekið á það ráð í samráði við yngsta fjölskyldumeðliminn að setja inn grófar upplýsingar um lendingarstaðinn í sumar - sem fyrr segir liggur ekki fyrir þó svo mörg járn séu í eldinum, sbr. myndin að ofan.
En annað er víst, Liverpool sigrar Barcelona í Moskvu 21.maí og Höfungur leggur Skallagrím í 1. umferð Bikarkeppni KSÍ 24. maí á Þingeyri. –>
Þá er loks komið að þriðja hluta sem tafðist vegna yfirvofandi málaferla á hendur elli.is frá ónafngreindum aðilum sem telja sig hafa verið nafngreindan í 2. hluta og vildi ekki kyngja þeim bita að tengjast málinu - en sannleikurinn sigrar alltaf og nú er ekkert því til fyrirstöðu birta þriðja og síðasta hlutann um 9. mars 1998.
Héraðsdómur
Það var ekki fyrr en nokkrum vikum eftir 9. mars að athygli mín var vakinn á því að leita réttar míns vegna þessara atburða. Maður hafði bara sökkt sér í vinnu vikurnar eftir 9. mars og um leið verið óreyndur í ólöglegri frelsissviptingu - þannig að lögfræðingar og dómssalir voru eitthvað sem voru ekki framarlega í huga manns - ef það var eitthvað sem maður tengdi við þennan atburða þá var það gæsluvarðahaldið yfir vininum sem sat ennþá inni í einangrun - maður hafið einhvern veginn meiri áhyggjur af honum en rétti mínum - kannski eðlilega?
Nokkrum vikum eftir 9. mars er ég boðaður á skrifstofu eiganda fyrirtækisins sem ég vann hjá og við förum eitthvað yfir þessa atburði. Þar segir hann mér nánast að leita réttar míns og sendir mig til sinnar lögfræðistofu downtown.
Á þessari ágætu lögfræðiskrifstofu er ég settu í hendurnar á Hérðaslögfræðingi sem fór yfir hlutina með mér. Niðurstaðan var sú mál mitt væri þannig eðlis að ríkiskassinn myndi borga lögfræðiþjónustu mína í þessari málsókn gegn ríkinu, m.ö.o. gjafasókn. Að svo búnu fór þessi ágæti Hérðaslögfræingur að vinna í mínum málum.
Eins og gengur og gerist þá vinnast svona mál mis hratt í kerfinu og málið er ekki enn farið fyrir dóm þegar ég byrja nám á Laugarvatni um haustið 1998. Málið var í vinnslu alveg fram til ársins 1999. Fljótlega á nýju ári, 1999, mæti ég í Héraðsdóm og svara spurningum dómara og lögfræðinga. Tvennt stóð uppúr þessari samankomu í Hérðasdómi. Í fyrsta langi var minn ágæti Héraðslögfræðingur ekki alveg með staðreyndir málsins á hreinu - sennilega ekki nægilega vel undirbúinn - veit ekki?! Í öðru lagi tjáði verjandi ríkisins mér það persónulega eftir á að þetta mál væri borðleggjandi og ég ætti að fá einhverja bætur. Þetta ætti því varla að kúðrast eða hvað…
Nú var ekkert annað að gera en að bíða og halda áfram mínu námi á Laugarvatni - og var maður nú ekki í vandræðum að dreifa huganum þar og gleyma dómsölum!
21. apríl 1999 fellur dómur í málinu … Smellið hér til að lesa meira –>